వికీలీక్స్ కథా కమామీషు

వికీలీక్స్… ఇటీవల కాలంలో వార్తలు చదువుతున్న వారికీ, వింటున్న వారికీ బాగా పరిచయమైన పేరు. ఎవరిదగ్గరైనా ఏ ప్రభుత్వానికిగానీ, సంస్థకు గానీ  సంబంధించిన రహస్య పత్రాలు, దస్తావేజులు, చిత్రాలు, వీడియోలు, గుప్త సమాచారాన్ని అజ్ఞాతంగా పంచుకునేందుకు ఒక వేదికగా ఏర్పడ్డ ఒక స్వచ్చంద సంస్థ. వీకీలీక్స్ సంస్థ స్థాపించబడిన ఏడాది లోపునే 12 లక్షల దస్తావేజులు, పత్రాలు మొదలైనవి సంపాదించి, డేటాబ్యాంక్ లో భద్ర పరచింది.

అమెరికా, తైవాన్, యూరోప్, ఆస్ట్రేలియా, దక్షిణాఫ్రికా మరియు చైనా దేశాల నుండి  పాత్రికేయులు, మేధావులు, విజ్ఞానవేత్తలు,  కంప్యూటర్ మేధావులు, శాస్త్రజ్ఞులు, చైనా విప్లవకారులు మొదలైన వారందరు కలసి ఏర్పాటు చేసిన సంస్థ. దీని సృష్టికర్తలెవరో స్పష్టంగా తేలనప్పటికీ జులియన్ అసాంజే అనే విలేఖరి 2007 లో మొట్టమొదటి సారిగా దీని తరపున ప్రతినిథిగా మాట్లాడటం మొదలుపెట్టాడు. కానీ ది ఆస్ట్రేలియన్ అనే వార్తాపత్రిక మాత్రం ఆసాంజే నే దీని వ్యవస్థాపకుడు అని పేర్కొంది. దీని డొమైన్ అక్టోబర్ 4, 2006 లో నమోదు చేసుకున్నప్పటికీ డిసెంబర్ 2006 లో దీన్నుంచి ప్రథమంగా కొన్ని రహస్య పత్రాలు వెలువడ్డాయి.

స్థాపించిన అనతి కాలంలోనే వికీలీక్స్ ఎన్నో ప్రశంసలను,బహుమతులను అందుకొనింది. ఎకానమిస్ట్ పత్రిక వారి, న్యూమీడియా బహుమతి, 2008లో  ప్రచురింపబడ్డ కెన్యా: ద క్రై ఆఫ్ బ్లడ్ కి గాను జూన్ 2009లో  వీకీలీక్స్ మరియు జూలియన్ అసాంజేకు ఆమ్నెస్టి ఇంటర్నేషనల్ వారి బహుమతి లభించింది.  మే 2010లో, న్యూయార్క్ డైలీ న్యూస్ వీకీలీక్స్ ని ప్రపంచ చరిత్రలో వార్తా ప్రచురణ విప్లవం సృష్టించిందని పేర్కొంది.

ఏప్రిల్ 2010లో , వీకీలీక్స్ ఒక వీడియోను వెబ్‌సైట్లో ప్రదర్శించింది. ఇందులో సామూహిక హత్య అన్న శీర్షికతో, 2007 లో బాగ్ధాద్ లో ఇరాక్ దేశస్తులను అమెరికా సైనికులు హతమార్చిన వైనం చిత్రీకరించబడింది. అదే సంవత్సరం జూలైలో, ఆఫ్గన్ వార్ డైరీ, అన్న పేరుతో 76,900 పై చిలుకు పత్రాలను వార్ ఇన్ ఆప్ఘనిస్తాన్ అన్న పేరుతో విడుదల చేసింది. అక్టోబర్ లో దాదాపు 400,000 పత్రాల ఇరాక్ వార్ లాగ్స్ అన్న అంశంతో విడుదల చేసి సంచలనం సృష్టించింది. దీంతో అగ్రరాజ్యాధినేతల్లో ప్రకంపనలు సృష్టించింది.


ప్రకటనలు

8 thoughts on “వికీలీక్స్ కథా కమామీషు

  1. ప్రియమైన రవిచంద్ర…….
    వార్తల్లోని అంశాలకు సంబంధించి కూడా వివరాలు సహా మంచి పోస్ట్ రాశారు. అభినందనలు..

    • రావు గారూ, ప్రతి రోజూ పత్రికల్లో, వార్తల్లో దీని గురించి వార్తలు వస్తుంటాయి గానీ, సీరియస్ గా వినని వాళ్ళకి అదంటే ఏంటో తెలియక పోవచ్చు. అందుకనే దాని గురించి సంక్షిప్తంగా పరిచయం చేసే ప్రయత్నమే ఇది….మీ ప్రశంసకు ధన్యవాదాలు…

      • ఇనగంటి రవిచంద్ర గారు,
        మీరు వ్రాసిన “వికీలీక్స్ కథా కమామీషు” చాల భాగుంది

  2. ముందుగా వికీ లీక్స్ గురించి పరిచయం చేసినందుకు ధన్యవాదాలు.
    దీంతో అగ్రరాజ్యంగా గొప్పలు చెప్పుకుంటున్న అమెరికా దాని మిత్ర పక్షాల కౄర వైఖరి, ఇతర దేశాలపై వారు సాగించిన అమానుష, అమానవీయ దాడులు గురించి ప్రపంచానికి మరింత వివరంగా తెలిసింది. స్వేచ్చా దివిటీని పట్టుకొని విఱవీగిన వారి నైజం అసాంజ్ అరెస్ట్, తదనంతర పరిణామాలతో ఆ వెలుగు కింద దాగిన చీకటిని బహిర్గత పరిచింది..

    • వివిధ రాజ్యాధినేతల వెన్నుల్లో వణుకుపుట్టిస్తున్న అసాంజే వంటి ధైర్యవంతులు ఇటీవలి కాలంలో చాలా అరుదు. ఆయన్ని ఎదుర్కోవడానికి ఆయన మీద లేనిపోని కేసులు వేసి అరెస్టుకు ప్రయత్నిస్తున్నారనిపిస్తుంది నాకు…

  3. నా దగ్గర ఒక మెషిన్ ఉందనుకోండి. అది మనస్సులోని మనోభావాలన్నీ బయటకి చెబుతుంది. ఇప్పుడు అనుకుంటున్నవి,ఇదివరకు అనుకున్నవి కూడా. దానిని మనుషుల మీద ప్రయోగించడం సరి అయినదేనా. ప్రయోగించి విషయాలు బహిరంగ పరచటం సరి అయినదేనా.ఇది సరియినదనుకుంటే వైర్ టాప్పింగ్, వగైరా వగైరా తోటి అందరి రహస్యాలు బయటపెట్టడం, క్రెడిట్ కార్డ్ల వ్యవహారాలూ లావాదేవీలూ బయట పెట్టడం అన్నీ కరెక్టే అవుతాయి. ప్రభుత్వాలు, రహస్యము అనుకుని దాచి పెట్టుకున్నవి దొంగతనముగా సంపాయించి బహిర్గతం చేయటం సబబా? అయితే మనుషుల ఆంతరంగిక రహస్య విషయాలని బయట పెట్టడం కూడా సబబే. అదీ ఇప్పుడు తేలవలసింది. ఎంతవరకూ ఏది సబబు అని.

  4. ఇనగంటి రవిచంద్ర గారు,
    మీరు వ్రాసిన “వికీలీక్స్ కథా కమామీషు” చాల భాగుంది

వ్యాఖ్యలను మూసివేసారు.