మన రాజకీయ నాయకులు
ఆగష్టు 17, 2010 అభిప్రాయములు
మన రాజకీయ నాయకుడొకాయన ఓ సారి అమెరికా ప్రభుత్వం ఆహ్వానం మేరకు అక్కడికి వెళ్ళాడు. అక్కడ ఓ రాజకీయ నాయకుడు అతన్ని తన ఇంటికి విందుకు ఆహ్వానించాడు. మన నాయకుడు ఆయనకున్న విశాలమైన భవనాలు, ఇంటి ముందు కావాల్సినంత ఖాళీ స్థలం, ఖరీదైనా ఫర్నీచర్ అన్నీ చూసి ముచ్చట పడి…
“మీ కొచ్చే కొద్దిపాటి జీతాలతో ఇంత ఇంటిని, వస్తువులను ఎలా సంపాదించగలిగారు” అని అడిగాడు.
దానికి ఆ సెనేటర్ నెమ్మదిగా నవ్వి అతన్ని కిటికీ దగ్గరికి తీసుకెళ్ళాడు.
“అదిగో ఆ నది కనిపిస్తోందా?”
“కనిపిస్తోంది”
“దాని మీద వంతెన కనిపిస్తోందా?”
“కనిపిస్తోంది”
“10%” అన్నాడు.
మన నాయకుడు అర్థమైందన్నట్లుగా నెమ్మదిగా తల పంకించాడు.
తర్వాత కొద్ది రోజులకు సదరు అమెరికన్ సెనేటర్ భారత్ కు వేంచేశాడు. అతన్ని మన నాయకుడు తన ఇంటికి విందుకు ఆహ్వానించాడు.
సెనేటర్ కి మన నాయకుడు ఇల్లు చూడగానే మతిపోయినంత పనైంది. రాజభవనాన్ని తలదన్నే ఇల్లు, ఇంటి నిండా ఖరీదైన సామాగ్రి, నౌకర్లు, కార్లు…
ఇవన్నీ చూసి ఆశ్చర్యపోయాడు.
“మీకొచ్చే రూపాయల్లో జీతంతో ఇదెలా సాధ్యం?” అని ప్రశ్నించాడా సెనేటర్.
మన నాయకుడు అతన్ని కిటికీ దగ్గరకు తీసుకెళ్ళి
“అక్కడ నది కనిపిస్తోందా?”
“కనిపిస్తోంది”
“దాని మీద వంతెన కనిపిస్తోందా?”
“అదేంటి అక్కెడ వంతెనే లేదు కదా!!!”
“100%” అన్నాడు నెమ్మదిగా…
ఇప్పుడు దిమ్మతిరగడం సెనేటర్ వంతైంది….
మూలం:santabanta.com
ఇటీవలి వ్యాఖ్యలు